“Himiýany okatmagyň usulyýetiniň döwrebap kämilleşdirilmegi we himiki tehnologiýalaryň häzirki zaman ösüşi”
Magtymguly adyndaky Türkmen döwlet uniwersiteti 2024-nji ýylyň 25-30-njy noýabrynda ýokary okuw mekdepleriniň talyplarynyň arasynda Aşgabat şäherinde geçiriljek himiýa dersi boýunça III halkara olimpiadasynyň çäginde ýurdumyzyň we daşary ýurtlaryň ýokary okuw mekdepleriniň professor-mugallymlarynyň, Türkmenistanyň Ylymlar akademiýasynyň Halkara ylmy-tehnologiýa parkynyň, Himiýa institutynyň alymlarynyň, ylmy işgärleriniň gatnaşmagynda 2024-nji ýylyň 27-nji noýabrynda “Himiýany okatmagyň usulyýetiniň döwrebap kämilleşdirilmegi we himiki tehnologiýalaryň häzirki zaman ösüşi” atly halkara ylmy-amaly maslahatyny gibrid görnüşinde geçirmegi meýilleşdirýär.
Halkara ylmy-amaly maslahatynyň resmi iş dilleri - türkmen, iňlis we rus.
“Himiýany okatmagyň usulyýetiniň döwrebap kämilleşdirilmegi we himiki tehnologiýalaryň häzirki zaman ösüşi” atly halkara ylmy-amaly maslahat umumy mejlisde we 2 sany bölümde öz işini alyp barar:
I bölüm. Himiýany okatmagyň döwrebap usullary we olary kämilleşdirmegiň ýollary.
II bölüm. Täze himiýa tehnologiýalaryny işläp düzmegiň meseleleri we geljegi.
Maslahata gatnaşmaga isleg bildirýänler çykyşlarynyň tezislerini 2024-nji ýylyň 15-nji noýabryna çenli şu aşakdaky elektron poçta ibermeli:
tsu.international.conference@gmail.com
Maslahata gatnaşmak üçin çykyşlaryň gysgaça beýanlary (tezisleri) we annotasiýalary Guramaçylyk toparyna iberilmeli. Çykyşlaryň gysgaça beýanynyň möçberi 1,5 sahypadan geçmeli däl, annotasiýalaryň möçberi 0,5 sahypa çenli bolmaly. Şrifti – Times New Roman, ölçegi – 14 pt, setir arasy – 1.
Maslahatyň çykyşlarynyň gysgaça beýanlarynyň elektron ýygyndysyny taýýarlamak meýilleşdirilýär.
Halkara ylmy-amaly maslahatyna wideoaragatnaşyk arkaly gatnaşyjylaryň zoom salgylanmasy goşmaça iberiler.
Maslahata daşary ýurtlardan gelýän gatnaşyjylaryň Magtymguly adyndaky Türkmen döwlet uniwersitetiniň amatly şertleri bolan umumy ýaşaýyş jaýynda ýaşamagy, naharlanmagy, şeýle-de Aşgabadyň çägindäki ýol harajatlary kabul edýän tarapyň hasabyna, Aşgabada gelmek we gitmek bilen bagly harajatlar, şeýle hem aýratyn ýagdaýda, gatnaşyjynyň myhmanhanada ýerleşmek islegi bar bolan halatynda, ugradýan tarapyň hasabyna tölener.
